Saturday 31 October 2009

خطبة مبارك في مؤتمر الحزب الوطني

طبعاً النهاردة كان الهلاويين الزلفي ..كان فيه حوائط صد و رتب مرصوصة بطول مدينة نصر و رجال شرطة متخفيين في زي المدني بيقفواالميكروبصات و اللازي منه ..و شفت في مدينة نصر لواء شرطة يا عيني صعب عليه عجوز و كحكوح و عمال يشوح و منفعل اوي لدرجة اني حسيت شوية و حقوله زقة لله يا حاج ..و لأني كنت حاسة ان دماغي مخوخة النهاردة و الحمد لله ضغطي العالي فجأة وطي لدرجة اني حسيت اني حقع في الشارع ..مكنتش مركزة فبعت مسج للتيتورية عشان اعرف إيه سر الإستنفار الأمني الفزيع الرهيب ده ؟؟ فقلولي ده مؤتمر الحزب الزلفي المعروف ( بلأجلك أنت )و انتي و انتم و انتن و بقية العائلة .. فكروت المشوار في محاولة جادة اني الحق الخطبة العصماء الجرارة :) لكن للأسف ملحقتش الخطبة اللي كانت بتتزاع في أثناء امتطائي لصهوة الميكروباص
بس مصطفى ( تفاتيفو ) مشكوراً حطه على اليوتيوب ..فاتفرجوا عليه كويس و بتآني و كل واحد أو واحدة يقولي ..لاحظ إيه أو حس بإيه
و للحديث بقية إن شاء الله

























9 من حقك تقول لكن مش من حقك تجور:

هوندا said...

حرام عليكى تنشريه انا شفته أول ماصحيت وكنت هطب بسكته قلبية ودماغية

ربنا يتوب علينا يارب

Anonymous said...

اخذت دقيقة او دقيقتين من كل مقطع لظروف النت عندى .... طبعا خطاب السيد الرئيس كل واحد حيفسروه حسب انتمائه الحزبي ... طبعا احنا مش حندافع عن الحزب الوطنى لان دا له رجالته حيقوموا بالواجب وزيادة بس برضوا فيه امل ... انا شايفه ممكن اكون مخطئ او مصيب ... صحيح الحزب الوطنى مش بيوفي بالكثير من الوعود .... لكن برضوا احنا بننصب المشانق اهو وبنحاسب القادة على اهمالهم ..... ودا بادرة خير .... احنا لو كنا من ثلاثيين سنه مثلا فانت لو تتكلم عن الرئيس او الحزب الحاكم تبقى خاين وحتموت بلا شك
وفى نقطة اخيرة ... انا بشوف الحزب الوطنى على الرغم من عيوبه الا انه اكثر من احزاب ثانية متواجده على الحياة السياسية المصرية وجود شكلي بدون برامج اصلاح ولا نظرة مستقبلية لمعالجة مشاكل الناس

Anonymous said...

نشراه ليه .... لا جديد تحت الشمس

تحياتي

الميكروباص said...

انا شاهدت الخطاب والاجتماع من اول النهار
ولاحظت احمد عز بدقه
وركزت في كلامه - هاجم المعارضه لأنها تهاجم الحزب
وظل يصفق بشده عندما وقف جمال يحيي الجماهير
لكن اكثر جمله عجبتني في كلام مبارك انه قال

نبني حاضرنا دون أن نفقد مستقبلنا

والحقيقه لا ادري ما معنى هذه الجمله! هو فيه حد بيبني حاضره وبيفقد مستقبله نتيجة بناء حاضره؟


تحياتي
سواق الاتوبيس - لورنس العرب

م/ الحسيني لزومي said...

المؤتمر فكرني بعلي بابا والاربعين حرامي
---------------

من اجل
وطن آمن مستقر...حياة افضل.
من اجل
محاربة الفساد....مقاومة التزوير
من اجل
ان تكون مقدرات هذا الوطن بأيدينا
شارك في الحملة الشعبيه للقيد بالجداول الانتخابية
ضع شعار الحملة علي مدونتك

قلم رصاص said...

رغم اني مش عاد عندي نفس لمشاهدة مثل هذه الخطب الصماء الا اني هشوفها يمكن يبقى فيها جديد

ولنا عودة بالتعليق والمناقشه

دمتم في حفظ الله

micheal said...

ماما قالتلي ما اتفرجش ع الحاجات الوحشة دي
:)

أبو أمك said...

ينصر دينك يا أستاذ.....خليفة

Israa El-sakka said...

هوندا

بعد الشر عليكي إن شاء الله هما :)


الغريـــــــب


الحزب الوطني ذاته و قواده هما المسئولين عن ضياع الحياة السياسية و الحزبية

فتاه من الصعيد
حبيت أرخم عليكو



لورنس العرب
ههه تصدق مركزتش في الكلمة دي ؟؟



م/ الحسيني لزومي

هههه حلوة المؤتمر فكرني بعلي بابا والاربعين حرامي

قلم رصاص

طولت الغيبة
02 November 2009 10:47
micheal said...

مؤدب من يومك يا مايكل
:)

أبو أمك
سؤال بريء من خليفة ؟؟

Post a Comment

جبلكوا كوباية شاي في الخمسينة كده عشان تركزوا
مش حنبقى محابيس و مساطيل

و ما ينطق من قول إلا لديه رقيب عتيد

دي قيم ربانية يا ريت نحافظ عليها