Saturday 23 October 2010

على هذه الأرض ما يستحق الحياة

في سنين الضياع كنت أكتبها ..على جدران غرفتي بكل عبقها الكئيب . أيامٍ سود عشتها في سراديب حزني ، و كفنت مدامعي جدرانها .. لازالت كلماته تتردد في أذني بكل تحديها ..و ثورتها ..
" على هذه الأرض ما يستحق الحياة " ي
أكتبها على الورق ..على الجدران ..أرددها و أنا أمتطي صهوة الحافلة ..أرددها و أنا أهرول بين المطارات البعيدة ..كثيراً ما أحاول طرد هواجسي بكثرة كتابتها ...لم أكن أعرف ما يقصده درويش ..ما هو هذا الذي يستحق الحياة ؟؟
بت الليالي أفترش وسادات هواجسي ، أتودد إلى روح درويش كي تخبرني ..ما هو هذا الذي يستحق الحياة ؟؟
فهو قد ذكر ساعة الشمس في السجن ...أول حب
حسناً لم أخبر أياً منهما !!
لم أطرد هاجسي الدرويشي هذا !! لكنني ربما وجدت بعض ما يستحق الحياة .

إشراقة شمس
طفل يحدق في عيني أمه
إنفراج الحياة
حروف تكتب على عجل
أمواج تدغدغ أقداماً تعبة
هراوات على رؤوس شابة
و كمامات على حناجر عالية
و أقلام تتكسر ، لتنبت حوافها
ليلة حب أولى
سمر ستيني
قارءة الفنجان
صلاة في محراب الخوف
رسمٌ طفولي على جدران بيتٍ
و أم تهرول خلف وليدها
اختلاف النجاح و الفشل
" على هذه الأرض
سيدة الأرض
كانت تسمى
فلـــسطـــين
صارت تسمى
فلســـطين
سيدتي
استحق لأنك سيدتي
استحق الحياة "



...نعم يا درويش ...هنالك ما يستحق أن يحيى
على هذه الأرض ما يستحق الحياة

Tuesday 27 April 2010

متناثرات -1


فوق غمامةِ بيضاء
طفلٌ يقطف وردةً
تبكي قلعه رملية
هدمتها
مدامعه

*****************

في لعبة الأحجية
استعجل زهرتي
كي تبرق لي
النهاية المحتومة :
" الطريق مسدود"
ي

*****************

ركننا القصي فارغ
سوى
من عصفورين
كسيرين


***************

وحدهم النائمون جوعاً
يدقون باب الإله
ليوقظوا عيون
كرمه
التي لم تغفلهم


**************
في بستان بهجتنا
ثمة شوكة تنبت
من جذوة
فرحتنا


************

كما لا تتلاقى طبعتي قدم
كما لا تتشابه ورقتي شجر
كما لا تتماهى بصمتي قدم
لا تتقاطع سرادبنا
و لا أحلام يقظتنا
كلاً منا يقطن مدينته
ينهل من نهره
يتوسد عشقه
يحملق في ساعات عمره
و أيضاً يحفر قبره
فمتى تتعانق الأزقة ؟


********************

أكرهها
جعلتني أمقتها
حمرة شفتيَ
لا تمايز
بين قبلها
و قنابلك
بين نهل حياتها
و حمم بنادقك
كلما دنوت منها
لا يطل في عينيك
سوى
الدم
دم دم دم

*****************

لي فوق الأسرة
وسادةٌ مخيفة
تؤثث الخوف
تخنق الشوق
تطارد الأمل إلى مطاراته البعيدة
و تقيد السكينة إلى مربعات سود
لي فوق الأسرة
حلم يصرع حلم
خوف يطارد خوف
عقلٌ لم يمت بعد
لي زجاج مهشم
و مطارق ليل
لي فوق الأسرة
حياة كحياة الأرض
جدران عاليةٌ
أسوار معتمةٌ
و كبسة زر
لي فوق الأسرة
حياة كحياة الأرض


**********************

لم يأت فارسي الأسمر
لم أمتط حصاناً أبيض
لم تمسح دموعي
و لم تهد دروبي
لم يصهل عنترة
و لم يطل الهلالي
من سردابه السري
لكنهم أخبروني
إلى جوار اللافتة
ثمة حافلة قادمة




الصورة هي الطفل الباكي للفنان الإيطالي جيوفاني براغولين



Tuesday 9 March 2010

ألف يوم من الحصار و تبقى غزة في القلب

منذ ما يقارب الأسبوع ,و أنا أحاول أن أتبين كيف سأكتب عن هذا الموضوع تحديداً . فالأمر يتعدى بعض المطالب الفئوية ..الأمر هاهنا يطال الإنسان .. بوجه ، بروحه ، بكينونته ... بهويته .

-أأكتب بالعربية أم بالإنجليزية ؟

لا العربية ، فهي اللغة التي يتحدث بها المرء إلى نفسه و يخاطبها .

-ما الإحصاءات التي سأدرجها ؟؟

كيف كيف ؟؟

فقد أختاروا لك أسماً مرتبطاً بهذه الأرض دون غيرها ، مرتبط بهذه القبة المطهرة التي تتماوج أشعتها الذهبية في قلوب مريديها .

أنت إنسان ... إذن فمن الطبيعي أن تهاب نفسك مشاهد القتل . و تتألم لرؤية الإنسان في أقوى صور القهر ، وحده واقفاً أعزل في وجهة فوهة الآلة العسكرية , التي لا ترحم .

أنت عربي ... إذن فقد ولدت بقلبٍ مثقوب !! .. قلب أثقلته هذه القضية . كلما كبرت زادت الخطى على جرحك ، الذي لم يندمل ... لأن الجرح الفلسطيني لم يندمل ... بل أزداد عمقاً و هوةً .

أن تتماهى مصريتك مع عروبتك .. فهذا الججيم بعينه !!.

فأنت الممثل الموهوب الذي يؤدي الدور القذر على خشبة المسرح العالمي ..فيما يحتجب المخرجون و كاتبو السيناريو خلف الستار ، الذي رُفع عن أكبر سجن في العالم . و طناً مسجون .. فوهة يحدها البحر المسيج و السماء الموصدة و الأسورا و الأسلاك الشائكة التي شطرت الإنسان العربي .. ووضعت فواصل تأن تحت وطئتها الأرض...و أنتهت بالجدار الفولازي .

فكم من الأطفال ، الأمهات و الأسر أنشطرت حيواتهم على سندان السياسات و مطارق تلك الفواصل اللإنسانية؟ .

ألف يوم أتمتها غزة ... و لا لم تكن من السنون الوردية و الأحلام المخملية ..غزة اليوم 9 مارس\إذار 2010 أتمت في عمر الحصار و الأبواب الموصدة و المنع و التنكيل بشعب ـجل ما يريده هو العيش بكرامة من الأيام ألفاً و من السنون ثلاث.

من العار أن نعيش هذا اليوم ، الذي هوينا فيه بالقضية الفلسطينية من مطلب تحرير شعبي ، إلى فتح المعابر و ضخ السولار ، و نقل المصابين و المرضى من غزة لمصر للعلاج !! .. أأصبح سنا الاماني هو فتح معبر رفح ؟؟؟

فأيما عار هذا .

لإسرائيل حججها ..و قد سجلتها على أشرطة عتيقة تعيدها و تذيعها مراراً و تكراراً ..طيلة ستين عاماً .. ألم نحفظها عن ظهر قلب ؟؟

أما الحجج المصرية فهي النقلة النوعية .. باختصار الحكومة المصرية تتحجج بإتفاقية المعابر التي لم تكن – هي – طرفاً فيها ...و تلقي بالكرة في أستادي رام الله و غزة !! .

و تجعل من الفرقة الفلسطينية ، و انقسام السلطة في رام الله و الغزة .. المقبرة التي تدفن فيها شعب غزة !! .

بكلمات أكثر و بشرح أوضح .. إتفاقية معبر رفح المبرمة بين إسرائيل ، السلطة الفلسطينية و الإتحاد الأوروبي و التي بموجبها تم تحديد وضع المعابر و المنافد البرية و البحريةو الجوية للأراضي الفلسطينية المحتلة و من بينها القطاع ..و الإتفاقية التي من المفترض أن ينتهي العمل ببنودها في العام 2007 و يتفق على بنود جديدة ..

الإتفاقية بما تحمله من بنود مهينه و مخزية ..هي صرخة في وجه كل أصحاب نغمة : " السيادة المصرية " ..لأنه و بإختصار لا سيادة مصرية من الأساس .. فدولة لا تمتلك حق في إدارة معابرها ....فليذهب ساستها إلى الجحيم !!. لأنهم مدعون و كاذبون.

النظام المصري الذي لم يتوانى يوماً عن بيعنا في سوق نخاستهم .. الذي لم يتصدر للدفاع عنا في مظلمةً ( قضية الأسرى المصريين خير دليل على إهدار الكرامة المصرية التي يزعمون الدفاع عنها ) ..النظام الذي يبيع إسرائيل الغاز الطبيعي بثمن بخس ، فيما يتعفف المصريون اسطاوانات الغاز في فصل الشتاء .النظام الذي نصب نفسه إلهاً ..و تذرع دوماً بالأمن القومي المصري ، و القرارات السيادية .. و لا أدري عن أي أمن نتحدث : أمننا أم أمن النظام و أستمراره ؟؟ .. فالنظام المصري ينفق الملايين على الدعاية في الخارج ..و لو أنفقت الدعاية في الداخل لكان أجدى و أولى !!.

أفلا يتجرأ هذا النظام ألا يوف بعهود قطعها لجهات أجنبيه و هو الذي لم يستح يوماً أن ينقض كل عهوده و وعوده لنا !!....و دائماً ما كانت عهودهم لا إنسانية ..أفلا ينقضوا مرة عهداً من أجل الإنسانية .

أيا وطناً باعوك " بالتجزئة " على أنغام الموسيقى الخافتة ، الحفلات الراقية ، و حمرة الشفاة و قرع الكؤوس ...

باعوا غزة و أهلها ..و باعوا مصر و سكانها ..... و باعوا الإنسان و كرامته .....

مليون و 600 ألف فلسطيني مسوجون ...في الظلام الدامس و تحت وقع القنابل و الفقر و العوز ..و حصار الأشقاء و أقتتال الإخوة ..و لا يظهر في أفقهم سوى مقبرةً عربية من الرخام الأبيض و التي تفوق في فخامتها أضرحة الفاتحين !! ..كل يوم تزداد المقبرة حجرة ...فهل سيتم هذا القبر المشيد؟؟ .

حكامنا يريدوننا " ضحايا بائسون " ..نشق صدورنا و نضرب جيوبنا ، و نحف التراب ..و نحمل النذور و الصدقات لأضرحة موتانا , لنصبح- نحن و هم – أمواتاً و نخلي بينهم و بين عروشهم .

و ما علينا سوى الإختيار بين إنتهاج طريق الأحرار و المقاومة ...تشييد الأضرحة و البكاء عند أعتابها ؟ .

و إلى أولئك النفر ، مروجي السلام الزائف و الأمن الكاذب ..ألا يكفينا 60 عاماً ؟؟

إسرائيل التي زرعت بيننا ، فأصبحت أخدوداً يفصلنا ..و منذ 1948 و نحن معلطون .. نرقبها في كل تصرف .. نرتابها في كل أمر ..تلك الدولة التي ترقب نقاط ضعفنا لتنفذ لنا منها .. تلك الدولة التي تقف على أعتاب وطننا

طامعةً في مواردنا .. تلك الدولة التي قتلت أسرانا من الرجال ..و شردت أسرنا ..و قتلت أشقائنا ..و بعثرتهم في أرجاء المعمورة ..و التي لم نصنع يوماً إلا بيد واحدة فيما اليد الاخرى تحمل درعاً تردأ به مكرها .

سيقولون ها نحن أبناء عم

سيقولون جئناك كي تحقن الدم

كن يا أمير الحكم

قل لهم : أنهم لم يراعوا العمومة فيمن هلك !!

و أغرس السيف في جبهة الصحراء

إلى أن تجيبك الجماجم و الجثث

كيف تخطو على جثة ابن أبيك

و كيف تصير المليك

على من حكموك

كيف تنظر في عيني إمرأة

أنت تعرف أنك

لا تستطيع حمايتها

ألف يوم من الحصار ...و تبقى غزة صامدة ....و تبقى غزة في القلب

Thursday 25 February 2010

أحمد مصطفى و فنون !! و قمل الدولة

أنا مضايفة فعلاً ...بجد الله يخربيتهم ضيعوا الدماغ الجميلة اللي كنت عملاها النهاردة
و أنا راكبة العربية تحت المطر
و بسمع فيروز ..
بصوتها الماسي الذي يعزف على أوتار قلبي
...ضيعوا حماسي بعد ما أسماء إبراهيم الطالبة بجامعة حلوان خدت براءة من تهمة سب و قذف الدكتورة ماجدة جمعة


عرفت خبرين أسوأ من بعض ..
الاول أن المدونة العزيرة جداً على قلبي
فنون أتفصلت من شغلها عشان نوت على الفيس بوك ...

أيوة و الله تدوينة حضرتك قريت الكلام صح

و تعود الواقعة الفيسبوكية لما البنت فنون قررت و أتهبلت في مخها و قررت تكتب تدوينة عن البرادعي ..و حطيتها كنوت على الفيس بوك ..
و أتهرشت في نافوخها و عملتها شير مع أصدقاء الأصدقاء ..و بسلامته رئيسها كان من بين أصدقاء الأصدقاء دول
فوصل للتدوينة ..و قرر أنه يفصلها
الغريبة أن الراجل مش مجنون لكن عنصري و متطرف ديني و متخلف
آه و الله تلاتة في واحد
1-
مبيشغلش مسيحيين...آه و كل واحد يقلب البطاقة على خانة الديانة
2-
مبيشغلش تخان ....يعني الكلابيز اللي زي حلاتي لازم يستعدوا عشان يتوزنوا قبل ما يقدموا على وظيفة
و أدى موظف إنذار عشان تخين ...
3- فصل موظفة بتشتغل عنده عشان كتبت نوت على الفيس بوك و نشرتها في مدونة !!


و تقريبا هو ده السطر اللي عفرته أوي في تدوينة فنون :

البرادعي لمبه ! وإحنا داويتنا مسدودة بقالها 30 سنة ..والكهربا مش واصلة أصلا




نصيحــــــــــــــــــة لوجه عوكل : أمشي جنب الحيط و خليك يا أبو زيد ما غزيت



القصة السودة التانية
هي أختطاف
المدون أحمد مصطفى و هو مدون عنده عشرين سنة من كفر الشبيخ و طالب بكلية الهندسة ..
أحمد أتخطف من موقف كفر الشيخ ..و ده بعد ما أستدعى بعد بوست نشره عن فصل تعسفي بحق طالب في الكلية الحربية
الغربية أن البوست ده منشور بقاله سنة بتاريخ 15 فبراير 2009
لكن في تعليق منشور بعديها بسنة ( 2010) من قبل شخص أسم تامر و فيه تهديد لأحمد

اضيف في 26 يناير, 2010 11:44 م , من قبل تامر
من مصر

قسما بالله انت ماتعرف حاجة
وكلامك على الفاضى وانت اصلا ملكش لزمة علشان مافيش حد بيظلم حد وبالذات فالكلية دى وانت لو راجل استنى يومين بس وحتشوف اللى يحصلك
انا عملت برنت للصفحة وحوريك الكلية دى حتعمل فيك
انا حوصله ان شاء الله للكلية





و أهله تلقوا مكالمة من
محامي مجهول قالهم أن أبنهم في النيابة العسكرية و أتحقق معاه
بدعوى الإساءة للجيش و زي ما اتبلغ أهله ..ـحيتم تحويله لمحاكمة عسكرية!!
شاب عنده عشرين سنة ..حيحولوه محاكمة عسكرية !!!
طب هما بيحولوا الجواسيس الإسرائيليين للمحاكمات العسكرية !!
أعتقد شعار المرحلة القادمة لازم يبقى :
أرجوكوا عملونا زي ما بتعملوا مع إسرائيل

اللي عايز يعرف تفاصيل أكتر ممكن يرجع لمدون محمد عادل " العميد ميت "

و عشان أزود من قرفكم ..لازم أؤكدلكم بما لا يدع مجال للشك
أن الشعب العربي أبو و أم و عيلة الأجنبي
خدوا ده


عوكل و شيوخ المنصر ...مش حتقدر ترف بعينيك

Tuesday 23 February 2010

الزرافة مانيا !!

كان يا مكان يا سعد يا إكرام و لا يحلى الكلام إلا بذكر النبي -صلى الله عليه و آله و سلم - ..و كل من له نبي يصلي عليه يا جدعان ...و من يعتقد أن النبوة أمر ما أنزل الله به من سلطان ..فليحسبن أيها الأعزاء
في صيف 1827 غزت البقع الأحياء الباريسية الموغلة في الأصالة و الجمال و الأبهة !! ..و خرجت الجماهير الفرنسية الغفيرة تستقبل هذا الضيف الجديد و الغريب !! ألا و هو الزرافة !!. فأمتلأت الحوانيت الفرنسية بسكاكر الزراف ، و ألبست الأمهات صغارها ملابس برسم الزرافة ...بل و نسقت المرأة الفرنسية - من دول - شعرها بطريقة
موزمبليه - و التي أسماها الفرنسيون ( ألا جيراف)-، و تبتته بأعواد الخشبية و المعدنية...غزت الزرافة ببقعها و لونها البرتقالي الفاقع حياة الفرنسيين فزينت أوراق الحائط و زيلت الكتب و الألعاب بل و الصابون ..كلها نسقت على شكل زرافة !!, وقد بلغ الهيام بالزرافة بالفرنسيين أن خصصوا طوابع بريدية تصور الزرافة ، التي أهداها إبراهيم باشا -حاكم مصر- آنذاك للملك شارل العاشر ،. و قد حملت الزرافة من مصر إلى فرنسا على ظهر مركب و أستمرت الرحلة لمدة 32 يوماً ..حتى رست في ميناء مارسيليا في يوليو 1827..حيث أستقبلت أستقبال حاشد - لعل عدد المستقبلين قد وصل إلى 5000 أو يزيد - و في مسيرتها البالغة 900 كلم من مارسيليا إلى باريس ..و في كل مدينة وظأتها أرجل الزرافة الأربعة ،أستقبلت الجموع الغفيرة الزرافة ..بالهتافات و التأييد-و عداهم العيب عملوا الواجب و زيادة- . على كلٍ كان الزرافة و مقدمها وبالاً على الملك تشارل العاشر و حكمه بل و أسرته بأكملها .. فأصبح آخر ملوك سلالة أسرة أل بوروبن حيث قامت الثورة الفرنسية بطردها من الحكم سنة 1824 وحتى 1830 و توفي بعدها في عام 1839 !!.
طبعاً حضراتكم تتسائلون عن سر السرد التاريخي الممل لقصة الزرافة مانيا الفرنسية ..بل أنه مدعاة للفخر لنا أننا تمكنا من " تطليع عين " الفرنسيين و شغلناهم بتوافه الامور ...لكن المتأمل لحالنا يجد أن الزرافة مانيا التي صدرناها لفرنسا ، قد أصابنا عطبها ...فأصبنا بها مرة بعد مرة ...فمنذ شهريين تقريباً أمتلأت شوارع المحروسة " بحب مصر " مانيا ..و علقت اللافتات ، و أنشد أنصاف المغنين في حب مصر الأشعار و رفعت الأعلام على البنايات السكنية ..بل و علقت الشركات ( الملتي ناشونيل آكلي قوت الغلابة ) لافتات تتغزل فيها بمصر و حب مصر ...و بعيدها ظهرت ( الجزائر مانيا ) ..حيث أعلنت الجزائر دولة بهيمية ، بربرية ، فرنسية ..لا تليق بمصر و لا بأمجادها الفرعونية المنقوشة على مسلات الأقصر !!! و ألبس الصبية كلابهم تيشرتات مرسوم عليها علم الجزائر و أداروا سياراتهم على أعلام الجزائر التي جعلوها تحت الأقدام !!!! و لأنك كما تدين تدان ...فقد أدنا للمرة المليون - بوازرنا إتجاه الأخوة الفرنسيين- و لم تكد البلد تتعافى من الجزائر مانيا ..و تشهق هواء الإنتعاش ..و تتصلب قدميها بعد طول ترنح !!! حتى جائت البرادعي مانيا ...لتؤكد ..أنا المانيا و شعب المانيا ..بل و تملك المانيا شهادة جودة مصرية ...و حق حصري للإستفادة و إعادة الإنتاج !! فكما المرات السابقة ...أنشئت مجموعات الفيس بوك ...و هتف الشباب و أستصرخت البنات ...الكل ينادي بالبرادعي رئيساً لجمهورية مصر العربية ..بل و اتفق الشيوعيين و الليبراليين و الإخوان - الذين أسمعت جدالاتهم أهل السماء - ...و أتفق الجميع أن البرادعي هو مهدينا المنتظر أو مسيحنا المخلص ...و تبردع الشعب ، و تبردعت الصحف المستقلة و تبردع الفيس بوك ...و هاجت و ماجت الصحف القومية على هذا التبردع !!..
يا اخونا
يا سادتنا
تتهمون من يعارض البرادعي _ أياً كان سببه - بالظلامية و السوداوية و النظرة القاتمة القاحلة الخروبية ..و أنه يفوت على مصر جنات عدن ..و الحكم الرشيد ( لا اريد الخوض في الإرتكارية التي تصيبني بسبب هذه الكلمة تحديداً و التي لم تقال مرة إلا و أعقبها ضرب على القفيان و سحل يا ولداه...ماذا قدم البرادعي ..هو لم يقدم سوى الوعود ,,أذكرهم أن الجالسين في سدة الحكم أيضاً يقدمون الوعود و يغلظون في الأيمان !!! الحلفان ببلاش أصله . ...حين يصبح هنالك مشروعاً فلنتناقش ..لكن حتى اللحظة الأمر لا يتعدى إحدى أحلام اليقظة ..و لا تسألوا فتاة عن أحلام اليقظة فقد تنفق ثلاثة أرباع حياتها فيها !!!...
لذا و حتى الملتقى ...فليحمل كل مصري و مصرية خابوره ..أقصد
موزمبليه بفخر و إعتزاز و أمتنان ....
لا قص كوافير لكم خابوراً
)

Saturday 20 February 2010

فردوسي المفقود !!


أ"أحتاج لكائناتٍ تشبهني" ...لأستند عليها بثقلي.. لتشد لي أوتار ضعفي ، لتنتشلني من عثرتي ...
نعم أحتاج لمن يشبهني بأعاصير جنوني ..و سكوني !!
أحتاج لمن ينير لي سراجي ..في عتمة سفرتي
و وحشة مفازتي !!
بل أحتاج لمن يصفعني صائحاً : ها هو ثمة طريق !!.
أحتاج لمن يخلع لي باب الإنتظار الطويل
و يمد لي يده ..ليطوف بي أرجاء الكون الفسيح
لأحط في كل مطارات المحبيين ....
لأواسي كل من سئموا أنتظار أحبة
أختاروا أن يكونوا
خارج إطار الخدمة !! .
أحتاج لمطرقةٍ أدق بها موطىء ضعفي !!
أهشم بها زجاج خوفي ..
لتنفجر من ورائه سخيةً
مدامعي !!
و ليصرخ وجهي حانقاً
في المرآة ...
لن تمتلكِ نفسك إلا بالفقدان!!
أحتاج أن أسجل قيلولات فرحتي
أحتاج أن أصور فوَرات سعادتي
أحتاج أن أبني من كل الضحكات ..
من كل القهقات
من كل الذكريات التي أنبتت زهراً
في حديقتي "الشمالية "
سلماً عملاق ....
يتوارى خلف درجاته أنين الشوك
و تتزين جنباته بعنبر الحياة و مسك الأمل
ليصل بي إلى
فردوسي المفقود


--------------------
يا الله بقالي 3 شهور مكتبتش في المدونة !!!! بجد شكراً لكل الناس اللي سألت عليه في غيابي ..ملحوظة هامة مهمة : هذا ليس شعراَ ده نثر و أنا نظمته كده ..معرفش ليه جايز ألاطة :P
!!

Wednesday 25 November 2009

الرجاء الحذر البوست فيه؟؟

بالصلاة على النبي ...متستناش مني لا فصحى و لا نحوي ولا عامية مصرية صحيحة و لا رأي سديد حتى ، حكتب زي مالكيبورد يطلع فجايز يطلعلك كلمتين كويسين و جايز يطلع بكابورت عليك ..أصل في كلام كتبر بقاله محشور في حلقومي من كام أسبوع ( لاحظ مش من أسبوع زي بقيت الناس أنحشرت كل حاجة عندهم عقب أنتهاء المسلسل الدراماتيكي بموقعة أم درمان ) ..نصيحة لوجه الله تعالى و يشهد ربنا لو رأيك\رأيِك ( لاحظ الكسرة في رأيك التانية ) هو من رأي الإعلام السائد أو شرشحة الإعلام ..فنصيحة لا تقرأ هذا البوست ..البوست فيه تبكيتٌ مقيت !!. و أعتقد أنك متوتر و زهقان و طهقان و قرفان و إلا مكنش رماك مصيرك عندي !!.فيا عيني عليك ( عليكي ) حمالين أسية و الله بقالنا مستحملين أسبوع من الصراخ و العويل و الرجالة اللي طالعة عالهوا تلطم و العياط أون إير من الإعلاميين المتزلفين ...و النبي يا شيخ\ة ما أنتوا قاريين !!...أصلي نخبوية ( أو على الأقل أتهمت بالموضوع ده معرفش يعني إيه نخبوية الصراحة اصلي مش عباس العقاد طالع ينظر عليهم يعني !!) .....لو مصر أنك تقرا ..فلا تلومن إلا نفسك قلتلك ممكن الكلام ميعجبكش و جايز أطلع عميلة ، خنزيرة ...حسب الشتيمة اللي حتقررها أو مش حتقررها سيادتك (دي تنفع مؤنث و مذكر) ..

الشقيقة الكبرى مبقتش كبرى دي بقت في حكم مرات الأب – الله ما يوعدكم بمرات الأب – يعني شرشحة تلاقي ..كدب تلاقي ...عوم على عوم الحكومة تلاقي ...دايمن كنت بحس إننا المصريين غلابة ...يعني شعب شبه ميت أو في حالة غيبوبة بسبب الديكتاتورية و القمع فبقبنا منكفئين أوي على لقمة عيشنا و قوت يومنا و ده منانا و أقصى أحلامنا ..بس اليومين اللي فاتو دول كشفلي صبيانية رأيي ده ..و أني طلعت عيلة !!!..لأننا فايقين بس بمزاجنا ..يعني في القضية اللي بتعجبنا ( ماتش كورة مثلاً يتحرق قلبنا دعاوي لكن آلافات يوموتوا في قطارات ، طيارات بتمرق عادي على رأي اللبنانيين ..كأن لم تكن ..ممكن برده نسيب كارثة العبارة و نروح نرقص في الماتش ..كل ده كان بيحسسني أني قدام خمارجية ..مخمورين بالمجد الكروي ..


لكن جات المظاهرات قدام السفارة الجزائرية بالقاهرة اللي اتقدر عدد اللي اشتركوا فيها بالآلاف عشان تعرفني لا ده أحنا فايقين اوي ..و بنخطط و نتكتك و نظم أو حتى بنعرف نلم بعض و أسم الله علينا بنعرف نضرب الأمن و نجرح ظباط ( لووووولووولووووولي ) و عساكر ..و نكسر عربيات و نحاول نقتحم السفارة ( اللي للأسف مكنتش في العمارة ) !!!.إيه ده ده أحنا فايقين آه و ننزل آه و بنواجه آه و بنتظاهر و شبابنا ممكن يروحوا يوجهوا الأمن ( و ده بيضع الشاب منهم في إحتمالية كبيرة أنه يروح ورا الشمس ) ..عنتر مين ده اللي بيلعب بالجزائر ده إحنا عندنا عنتر و زعتر و فلفل كمان ...فخلاص يا شعب مصر حقك عليه مش حعاملك كطفل تاني أبتاً أبتاً و خلاص حعاملك كبالغ راشد عاقل ( يعني زي الحكم الشرعي شخص مسئول تماما عن تصرفاته)...فمبروك و صولك لسن الرشد في نظري ))

طبعاً ياريت الناس عندنا بتتظاهر ...( و ده مش تحريض خالص ضد قانون الطوارىء مدد الله في تمديده كمان و كمان) بس ده مش شيء سلبي ...لا و كمان الشرطة سمحت بالمظاهرات ..أصلهم بيوراعو مشاعرنا أووووي ( حونييينييين من يومهم سودة و قوية و كلها حنية ) ..لكن في رأيي المتواضع و لتعذر ابنتك العيلة الآبقة ، فأنت ماشاء الله راشد و أنا لسه مدخلتش في سن الرشد ...في رأيي التظاهرات دي ضلت طريقها مش حقولك لسفارة إسرائيل زي ما بعض العروبيين بيقولوا لكن ضلت طريقها فين !!!!! فوق الكوبري ( و الحدق يفهم يعني ) ..يعني يا شعب مصر اللي مش غلبان و مش في غيبوبة و مش مخدر و لا مخمور ..شوبابك مش لاقين ياكلوا مش لاقين يشتغلوا مش لاقيين يتجوزوا مش لاقيين يسكونوا مش عارفين يتعلموا ..و قريبا مش حيلاقو تمن تحليل أنفلونزا الخنازير ...يا شعب مصر أولادك مقهورين و أعفن أمين في دي البلد ممكن يعكشك يشتمك و يشدك من قفاك أنت و نصيبك عالبوكس ، التخشيبة ، التلاجة ، القبر ( كله قضاء و قدر يا شعب مصر ) ..بقالك من زمااااان أعتقد مبقتش تعد كاتمين على نفسك ، و بيخدوا قوتك ..و أنت يا شعب مصر الراشد سايبهم يرتعوا و يلعبوا كأنها سويقة اللي جبوها ..


يا شعب مصر دمروا تاريخك بسياستهم و أساؤا لكفاحك بقرارتهم ..و مرمغوا نضالك بالتراب و بقيت في نظر العالم ..حليف ، وإسرائيل و لزرقة عيون نجمة داوود قافل المعبر و مانع ناس من أنهم يسافروا يهاجروا ..ينتحروا هما حرين أديك مناعهم و خلاص ..ممكن يقول قائل : فلسطين إيه ..طب و أنا مالي ..طيب يا شعب مصر الراشد بلاش فلسطين خااااالص ..تعرف بريز ؟؟ سمعت الأسم ده ...أيون ده كان عندنا في مصر اليومين دول ..تعرف مين الراجل ده ؟؟؟ ده مجرم حرب ...و ليه سجل أسود و مهبب بلون الدم و القنابل اللي حرقت شعوب ...آخرها كان غزة ..يوووووه معلش نسيت مش حجيب سيرة فلسطين أكسيكيوز مي ..تسمع عن عملية سوزانا ؟؟ أستهداف المصالح الأمريكية و البريطانية في مصر ؟؟ ..طب ممكن متكنش سمعت و لا قريت عنها ..طب اتفرجت على رأفت الهجان ؟؟ أول حلقات في يهودية مصرية أسمها مارسيل امها غلبت معاها تقنعها أن مصر دي وطنهم و البت كانت أبداً إسرائيل هي الوطن , كانت مارسيل بتحب جون دارلينج العميل اليهودي و اللي لم يهود حواليه عشان يوقعوا مصر في إنجلترا و أمريكا و كان طريقهم لده الإغتيالات و الحرايق و التفجيرات !! مطولش عليكوا ..في الآخر أتقفشوا لأن فيليب نتاسون فرقعت القنبلة اللي في جيبه قبل أوانها و هو قدام سينما ريو بالإسكندرية ....فاكرين ؟؟ شوفتوا بقى انا متابعة المسلسلات إزاي ..المهم انه في القصة الحقيقية المتورطين كانو: جون دارلينج ، مارسيل نينو ، فليب نتاسون، نئيل يوحاس، نئيل زعفران، فيكتور كوهين ،ايلي كوهين و صامويل عزار كان بينهم عدد من أكبر زعامات اليهود ( معلش اصبروا عليه حتفهموا دلوقتي ) و ده الأهم هما الزعماء : موشي شاريت ، بنحاس لافون، دافيد بنجورين، شمعون بريسكي .....مين شمعون بريسكي ده ؟؟؟؟

ده شمعون بريس قبل ما يتعبرن أسمه ..يعني اللي جه زار بلد سيادتك ده واحد مارس الإرهاب ضد بلد سيادتك ..و دي أبسط جريمة في سجله الحافل ( على فكرة حائز على جائزة نوبل ) ..طب ده التعذيب لا يسقط بالتقادم ..أمال الإرهاب إيه ؟؟ ؟.. بلاش بيريز يا شعبنا الراشد ..تسمع عن غابي إشكينازي ؟؟؟ ممكن تكون سمعت أسمه في الحرب على غزة أو حرب تموز 2006 ...حضرته برده جه مصر كذا مرة ,, و جاء أهلاً و نزل سهلاً ..على مسئولينا ..مين غابي إشكينازي اللي صدعت أسمك بيه ده ؟؟ ده مسؤول عن مذابح ضد الأسرى المصريين ( لو أعتبرنا أن قتل كل إنسان ظلما دي مجزرة و جريمة ضد الإنسان ) ..!! أيون و محكوم عليه غيابيا في مصر ...بتهمة قتل الأسرى سنة 1967 ..أي نعم ..يعني مطلوب في جريمة حرب !!! .. الله ينور عليك مجرم حرب و زار بلدنا نقفل بابنا في وشه يعني ؟؟...بما أنك يا شعب مصر غضنفر و بتتظاهر و بتغضب و نوء نوء مش في غيبوبة زي ما كنت فاكرة ..إيه رأيك سيادتك بعد إذن ساعدتك تنزل تتظاهر برده ؟؟ أصل خلي بالك مع كامل إحترامي للمشجعين اللي راحوا السودان ..دول أغلى عندي ..آه قريت صح الأسرى المصريين دول أغلى ..لأنهم دافعوا عن كرامتي و كرامتك و لولاهم مكنتش حبقى موجودة و ممكن حضرتك مكنتش تبقى موجود دفعوا عن مجدنا و كرامتنا مش برجليهم ( زي لعيبة الكورة ) لكن بدمهم و روحهم ...لا مؤاخذة هو فيه أغلى على البني آدم مننا غير روحه !!! دول اللي رفعوا علمنا قبلها و صمدوا و أتذلوا وأتهانوا و أنا واثقة ان مشاعرك ناحيتهم هي نفس مشاعري نحيتهم دي أكيدة ...لكن أعذرني أني مش عاجبني أن حضرتك تظاهرت عشان مشجعين اتكسر باصهم و اترمى عليهم طوب و سكاكين و اتهددوا و اتروعوا و اتقطع عليهم الطريق للمطار ...و في نفس الوقت مش بتعمل شيء عشان الأسرى اللي أتهانوا في عتليت و اتشحنوا في قطارات البهايم و البضايع ,,و أترمى عليهم علب الأكل ( مكنش فيه أيامهم كانز يمكن ) .. لم تكرمهم و طواهم النسيان ..و احتفيت بلعيبة الكورة !! قال إيه عشان خلونا نرفع علم مصر ؟؟؟ قال إيه عشان خلوا 80 مليون مصري يرفعوا أديهم و يقولوا يا رب متقولش التمانين مليون دول كانوا ملحديين و هداهم المنتخب للطريق الحق !!!. رجائاً يا شعب مصر الراشد ..حط الأسرى دول و الأبطال الحقيقين على جدول تظاهراتك و غضبتك للكرامة المهدرة !!.


بلاش عسكر ..جايز تكون شايف العسكر سر نكبتنا و بلآنا إيه رأيك في عسكر سابقين ؟؟ سمعت عن جمال حمدان ..قبل كده ؟؟ ده راجل مثقف و وكان واحد من الضباط الأحرار اللي قاموا بثورة يوليو ( اللي مش بعتبرها ثورة ولا يحزنون هي إنقلاب عسكري و للأسف لم يحقق أهدافه المعلنة و الله اعلم بأهدافه السرية ) ..الراجل ده أرخ لتاريخ مصر و عمل مؤلفات كتير ..و أنتقض ثورة يوليو حتى و درسها ..و هو عظيم أختلف بقى أتفق بقى هو رجل عظيم , و مهذب و رقيق ...جمال حمدان توفى ؟؟؟ حضرتك سمعت عنه ؟؟؟ بلاش جمال حمدان ....تعرف عبد الوهاب المسيري ؟؟ واحد من أبرز من درس الصهيونية و ليه دراسات فلسفية و ترجم قصيدة الملاح للعربية و حتى كتب للأطفال ( قريتله أغنيات إلى الأشياء الجميلة حاجة بديعة بصراحة ) تقدر تقول عليه أديب رفيع ، فيلسوف رقيق ، إنسان مهذب ، و مصري خفيف الظل !! عبد الوهاب المسيري صارع السرطان طويلا و طواه السرطان قبل أن يطوي آخر مؤلفاته ..حضرتك شفتله جنازة على التلفزيون ..بلاش المسيري ..تعرف مصطفى محمود أهو ده أقرب واحد عكس ناس كتيرة أنا معرفش مصطفى محمود من برنامجه العلم و الإيمان لظروف ليها علاقة بأني من مواليد التسعينات و مكنتش عايشة في مصر ..لكن عرفته من كتبه و مؤلفاته زي رأيت الله ، الروح و الجسد ، حوار مع صديقى الملحد ، لغز الموت ، الروح و الجسد ، في الحب و الحياة ، نحو علم نفس قرآني.. ليه 90 مؤلف دول اللي قريتهم تقريباً ..مصطفى محمود مات من فترة قريبة ..حضرتك شفت مسئول واحد في جنازته , هما عرضوا جنازته أصلا ..الدولة معلجتهوش على نفقتها طب لما مصطفى محمود ميتعجلكش مين اللي يتعالج ؟؟؟ في حين أنهم فرضوا علينا الحداد إجباريا 3 أيام عشان طفل ( الله يرحمه يا رب و يرحم كل الأموات ) توفى و كان جل اللي عمله للوطن ( و مش متوقع من واحد عنده 13 سنة أي شيء) أن جدو هو الرئيس !!! ..و أتعملتو جنازة و تشريفة ..و لا جنازة البطل أحمد عبد العزيز !!. و المثقفين الحقيقين ماتوا , و معلجهومش حتى على نفقة الدولة ..أستخسروها فيهم !!!! فياريت يا شعب مصر الراشد تحط مثقفيك لما يعجزوا و يأكل الوهن و التعب و المرض أجسادهم ...لو سمحت حطهم جوه لستة أهتمامتك ..


أنت عارف يا شعبنا الراشد ...العبدة لله مستنية إنتخابات الأهلي القادمة على أحر من الجمر ..ككائن حي ينتمي لأسرة أهلاوية متعصبة كمان ..و إن كان الحمد لله يا رب لا بحب التعصب و لا بحب الكورة و لا بتابعها و بعتبر الطايرة مثلا مفضلة ليه ..مستنية الإنتخابات ليه ...عشان بتذهب إليها الجماهير الغفيرة من غير ما تمنعها قوى الأمن ..و من غير لجان بتتقفل ..يعني أمارس حق التوصيت ..لا تحقد علي لو سمحت ..في إنتخابات نقابات ، و في الجامعات ..بس أبقى قابلوني لو عرفت تصوت فيها ..و طبعا مع تمام نسيان إنتخابات الشورى و الشعب و الجمهورية ..عادي ولا تزعل حالك ممكن كل حارة تعمل إنتخابات نزيهة شفافة و كل قهوة كمان ...و ننشىء تجربة شعبية ديمقراطية ..


يعني يا شعب مصر الراشد ...يا ريت تكبر لستة أهتمامتك ..هو الصراحة أنا لازم أنهي دلوقتي لأني مش قاعدة في بيتنا ...كان نفسي اطول بس مش نافع ..حكم القعود على كافيه بقى و شرا كروت النت اللي عاملة زي كروت الشحن هووو بتخلص بسرعة ...حضرتك ممكن تتسائل عن كل الكسرات اللي حطتها في كلامي المذكور أعلاه ..العبدة لله لاحظت أن في خضم الحرب مع الجزائر ..كان كل المتعصبين من كلا الطرفين ( و دي الكلمة المؤدبة لوصفهم) كان بيشتم الطرف الآخر بستاته ..ببناته ,,, مشفتش راجل اتشتم و اتهان ؟؟ كله ستات إشي هزي يا خضرة و يا سودة ويا فيفي عبده .. و ده يعيب في ستات ده و صدعوني فقررت بإذن الله أبقى فمنيست و من هنا و رايح حضيف الكسرة ..... اللي عايز يشتم ولده يشتمه هو ..ميشتمناش إحنا !!!! و لا صعبة دي

....يا رب مضطرش أكتب في الموضوع الأسود ده تاني و إن كنت ممكن مقدرش أقاوم

أتمنى لكم ( لكن ) موفور الصحة و الهناء بعيداً عن الضغط و السكر و نوبات العلع ...و الشحنات الإعلامية و الحملات الفضائية و الغزوات الكروية


ملحوظة هامة مهمة :

لو كنت مش متفق معايا في رأيي و جايز أستفزك ..حقولك ده حقك و أنت حر فيه ..و جايز تفتكر بكلامي أني بتهمك أنك مع النظام مثلا ( اصلي شفت ناس كده و الله ) و ده مش صحيح ...هذه نقرة و تلك نقرة و إن كانت الهليلة دي كلها ... عملت للنظام دعاية مكنش يحلم بيها و لا تقولي مؤتمر قطري و لا مؤتمر ..معرفش إيه .