Wednesday, 12 August 2009

سوري يا أونكل جيمي النت فصل

" قوم يا بيبي بقى " ، هذه ليست كلمات زوجة تدلع بسلامته بعلها !! لكنها كلمات سيدة للبيبي بتاعها ( الذي لم تخط شواربه بعد).. تقف أمام السرير لتقول : " مش معقول الكلام ده يا بيبي أبداً " ..في حين أن البيبي لا يحرك ساكناً ، يبدو أنه أصيب بغيبوبة صيفية حادة ، نتيجة للموجات الحارة التي تأتينا من الهند و السند ، و ربما بسبب الرخص المفاجيء في سعرقرش الحشيش الذي سطل الشباب و خمد البنات!!.لتزغد الأم البيبي بتاعها و من ثم تنقلب إلى عطيات ..."ما تقوم يالا " ، لتزيل الغطاء عن البيبي ، الذي بدت رأسه- الخالق الناطق- كرأس المقشة في سجادة عفراء، ليرطم البيبي ببضع كلمات أفرنجية ، تعلن عن غضبه بسبب هذه المعاملة القاسية - في نظر بيبي مثله- .. فكيف يجرمن سريره مثله مثل عم بدوي السفرجي ؟؟ . " يا بيبي أونكل جيمي حيتكلم النهاردة على الإنترنت و لازم نتابعه ، أصلي يا بيبي أن موربياك زي أونكل جيمي بظبط ، في المدارس الأجنبية و بنقضي الصيف في بورتو و لندن و روما ..بس يا بيبي لازم تحلق شعرك يا حسن أونكل جيمي يزعل و يفتكرك بتغيظه ولا حاجة إكمن شعرك جميل و هو لأ ". ينظر البيبي نحاية الماما بحنق شديد و من ثم يرطم بما يبدو أنه و أنا مال أهلي بجيمي أو جيلي !!.... قوم يا بيبي يا لااااا أشحذ همتك و شد عزمك و لم بوقجتك عشان نعبر !!. ينظر البيبي ناحية أمه فاتحاً فمه و رافعاً حاجبه ، معلش أصل العربي بتاع البيبي على قده .. "عبور عبور يا بيبي " نعبر للمستقبل " ... ليرددها البيبي مهمهما : أوبور ؟؟ .."لا عبور يا بيبي" ..البيبي : عبور ؟ ...يس بيبي .. لينطق البيبي بعدما لمعت لامبة فوق رأسه – كتلك التي تظهر فوق رأس الشخصيات الكرتونية حين يأتوا بالتائهة - ليرد البيبي ببلادة : عبور 6 أكتوبر .

"يا بيبي أنت لازم تدخل الجامعة الأمريكية زي أونكل بظبط عشان تورث باباك زيه ..ربنا يديلهم طولة العمر يا رب " ، يفهم البيبي كلمات أمه الأخيرة ليرفع يديه إلى السماء مؤمناً – أصل البيبي متدين :) - . " تعالى يا بيبي شوف الكرسي بتاع باباك " ... يلمس البيبي كرسي والده الذي جلس عليه منذ صغره ، لينطق البيبي بالعربي بعد طول إستخدام للأعجمي و الأجنبي و يقول : " أسم الله على جماله و حلاوته ...شوفي حلو إزاي يا مامي " . يضبطا ساعات البيت كلها ، فباقي من الزمن ثلاث دقائق و يبدأ البث الحي للقاء أونكل جيمي مع الشباب ، و كلهم على ظهورهم البوقج و على أهبة الإستعداد للعبور..إلى -اسم الله على مقاكم - المستقبل ،قلوبهم تخفق بسرعة ، فهذه هي اللحظة التي ينتظرها البيبي من زمان كي يسأل و أونكل جيمي يجيب . فأونكل جيمي هو طموح البيبي الأعلى ، ففي غرفة البيب توجد بوسترات لسلمى حايك و بريتني سبيرز و بجوارهم صورة بالحجم الطبيعي لأونكل جيمي .فالبيبي يريد أن يتعلم من أونكل كيف يستطيع أن يورث حظيرة أبيه بلا أية قلاقل أو إضطرابات - فطالما ردد البيبي تربية الخواجات :(بلا 6 إبريل ، بلا 6 جنزير ) - ،على أن يتم الإنتقال بصورة سلسة تشبه تسلل السكين في قالب الزبدة السائحة !!!. لفترة طويلة فكر البيبي في الإنفصال و إنشاء حظيرة منفصلة عن بابي لكنه رجع عن الموضوع بعدما نصحه المخلصون بأن الوطني يغلب وليه تتعب نفسك يا بيبي ؟؟ طالما الحظيرة جاهزة و بالغنم مملوءة . مرت كل هذه الخواطر بذهن البيبي ...قبل أن يجري البيبي و أمه نحو شاشة الحاسوب في إنتظار بدء البث المباشر ..فإذ فجأة ً...يغشى على المامي و يقع البيبي في شركه منهاراً .. فقد كتب على شاشة الحاسوب : معلش يا عميل ، مش حتدخل على الإنترنت

وفقاً لأحكام الإستخدام العادل للإنترنت !!!.. لتفرقع الشاشة ، فينهار البيبي صارخا ً : "سوري يا أونكل الجيمي النت فصل ". قبل أن يلطم البيبي مثل النائحات في العزاء :"حقك عليه وحيات عنيه " . لتحدث المعجزة التي أنتظرها البيبي و أمثاله من الملايين فإذا بأونكل جيمي بشحمه و لحمه من الشاشة المطفأة و يربت على كتف البيبي قائلا : " معلش ده قدر من قرر العبور إلى المستقبل يا تغرق العبارة يا تفرقع الشاشة " .

56 من حقك تقول لكن مش من حقك تجور:

THE illusionist said...

انا الاول يا اسراء عشان خاطرك اى خووووووووودعه

THE illusionist said...

وانا التانى كمان
اى خدعه
يا بيبيهاتك
بس انا بقولك لو كده
بلاش تفتحى عين البيبى
ان جيمى حوش من مصروفه
من مصروفه بس
مفيش اى مساعدات ابويه
واشترى طياره خاصه
ماشى
البيبى لو عرف
هيخرب بيت اهله
وبحبك يا جيمى
وبعزك يا جيمى
وانا بزعل قوى قوى لما
حدش يقولك يا جيمى
يا جيمىىىىىىىىىىىىىى

THE illusionist said...

ففي غرفة البيب توجد بوسترات لسلمى حايك و بريتني سبيرز و بجوارهم صورة بالحجم الطبيعي لأونكل جيمي


ده يدل على ان اونكل جيمى له معزه خاصه فى قلوب الشباب
حيث انه يتساوى لديهم بسلمى حايك
وبريتنى
جيمى
انت غالى علينا يا
جيمى يا خويا
يا جيمى يا خويا
زى زواوى يا خويا كده
جيمى
انت من مصادر الاغراس للشباب كى يكونوا مثلك
جيمى
انت مثلى الاعلى

THE illusionist said...

روءه
انتى قولتى كل اللى يتقال
احييى حبك لجيمى
انا انضم ليكى
ونعمل جروب على الفيس بوك
محبين جيمى جيمى جيمى

Israa El-sakka said...

THE illusionist

ربنا ما يجيب زعل أبداً أبداً أبداً بس البيبي مش حيفضل دايمن قطة مغمضة لازم نعمل حسابه يوم ما يفتح و لا إيه رأيك ؟؟

mido said...

أسلوبك جميل

اوى



:D :)

فتاه من الصعيد said...

جميل يا اسراء

اسلوبك ساخر ورائع

بس لو كل البيبيهات اللي هيمسكوا البلد من عينه جيمي والبيبي 000000 فباذنك يا رب البلد هتخرب

انا قريت بوستك اللي فات 000000 وبرغم اني موش من عشاق نظريه المؤامره 00000 بس برضه احيكي على المعلومات والمجهود

مواطن مصري said...

طيب مش تفكري في كلامة و يبقى النقد موضووع

يعني انتقدي ارائة بشكل علمي و الناس تستفيد

شمس النهار said...

ازيك
انا جايه اسلم عليكي
وطبعا بعتذر عن عدم المتابعه
مافيش وقت خالص
بس انا جيت اعرف اخبار الثانويه العاميه ايه دخلتي كلية ايه
عشان مابدخلش النت فامعرفش التطورات

Israa El-sakka said...

THE illusionist
حلوة فكرة الجروب و الله ممكن أفكر فيها


-------------------------------------------------
ميدو

مرسي على المرور يا ميدو

Israa El-sakka said...

فتاه من الصعيد

ربنا يخليكي بصي هو ألردي باللي إحنا فيه ده و لو أستمر الوضع على كده فاللي حيمسك البلد حيكون من عينة البيبي و بالنسبة للبوست اللي فات أتا مش بحب نظرية المؤامرة و بكره المبالغة في إستعمالها و تبرير كل الوضع ده لكن المشكلة أنه فعلا ده تعامل الدولة مع الإنترنت سياسة معلنة و أخرى فعلية على الأرض و الإتنين مختلفين بعدين تي إيه داتا شركة حكومية في الأساس

شكرا و دمتي بود

Israa El-sakka said...

مواطن مصري

ما هو بقالي 3 سنين أو أكتر بأسمع بيقول إيه !! يعني حتة السمع و الإقتناع دي عدناها من زمان فكلامه بالنسبالي كلام أفاق بالنسبة لإنتقاده بشكل علمي ففي غيري يقدر يعملها بشكل أدق

تحياتي

Israa El-sakka said...

شمس النهار

طبعا يا سيتي مين قدك في أمريكا طبعا لازم متبقيش فاضية ركزي معايا يا شموسة يا ستي أنا خلصت ثانوي من ثلث سنين خلاص و في كلية هندسة

ركزي يا شموسة

Anonymous said...

looool يا مجنونة بتتريقي على أونكل جيمي !! يعني لما يديكي أونكل جيمي على قفاكي هههه ياللا سلام يا هبول

Mariam Mahdy

الغريـــــــب said...

تسلمين .. موضوع متميز .. تمتلكين روح من النقد الساخر رائع ... مزيدا من التقدم ان شاء الله .. ودى واحترامي

micheal said...

ههههههههههههههههههه..ونعم التربية..هاتيلي البيبي ده أخنقه بسرعة
:)
موضوع النت ده خانقني أوي أوي يا إسراء

Israa El-sakka said...
This comment has been removed by the author.
Israa El-sakka said...

Mariam Mahdy

بس يا بت :)

Israa El-sakka said...

الغريـــــــب

تسلم على المرور و أتمنى دوام التواصل

Israa El-sakka said...

مايكل

هههه و تتسجن عشان حتة بيبي والله ما يستاهل و النت ده حاجة زبالة هههه ياللا
باي باي

ادم المصرى said...

اسلوب جميل جدا

كل عام اونتم بخير

Nabil said...

السلام عليكم...

ازيك اخبارك ايه؟؟

انا على فكره متابع الى حد كبير من يوم ما قولتيلى انك انت صاحبة مدونة البحث عن ذنوبه

وطبعا ده واضح فى كلامك واسلوبك بجد طريقتك جميله

اما اعن الموضوع فانا مش عارف اضحك ولا اسكت ولا ابكى

بس انا ضحكت
وزى ما بيقولوا شر البلية ما يضحك

تحياتى ليكى وسلامى

الشعب لابد له من حكومه تشكمه said...

ايه يابنتى انتى اختفيتى فجاه قلقتينا عليكى:)
ولما ترجعى ترجعى كده:))
وبعدين اهم لغوه وخلوا شكلكوا وحييييييييش وانهم بيسمعوا للشعب الى هو حضراتكو:)

Pink Dreams said...

الحمد لله يا قمر لغوا القرار دا


لووووووووووووووووولى

اخيرا قدرنا نعمل حاجه ونكون مسؤلين عن صنع القرار فى حاجه

البوست بتاعك حلو قوى يا بيبى

ههههههههههههههههه

معلش اصل البوست لسه مأثر عليا

ههههههههههههههه


كل سنه وانتى طيبه

تحياتى

blue-wave said...

هههههههههههههههههههههههههه
بجد طريقه تحفه فى سرد الموضوع
بسجل اعجابى

عاشقة الأحزان said...

السلام عليكم


كل سنه وانتى طيبه يامر وربنا يوفقك يارب

وميرسى قووى للمرور الكريم ويبقا التواصل
وبجد اسلوبك رائئع بالكتابه استمرى يا قمر

مودتى
ايناس

قلم رصاص said...

السلام عليكم

مابلاش جيمي والحاجات اللي تودي مزرعة طره دي

هههههههههههههههههههههههه

صحيح بيقولوا الجو هناك كويس اوي بس عيبه

بينتج عنه شوية اعراض مش كويسة

زي مثلا احمرار القفا من كتر التسقيف عليه بالأيدي
الناعمة لاخواننا المخبرين

يعني وهلم جرا وسحلا على عنينا وعنين اللي يزعلوا عشاننا يعني
ههههههههههههههههههههههه

الحيتان ليها ودان

كلوا عيش .. كلوا عيش بقولكوا
هههههههههههههههههههه

شكرا اسراء على البوست

وياريت المشكلة دي تتحل

والا هنتضطر نبعت رسايل لمجلس حقوق الانسان في مصر وجنيف ونيويورك ويمكن تجيب نتيجة

في حفظ الله ورمضان كريم وكل سنة وحضرتك طيبة

ريمان ونوسه فى هاكونا مطاطا said...

انت لسه هنا؟


لا لا تعالى بسرعه عندنا


تيمون وبوبما عايزينك


كل ما تضحك اكتر كل تاكل بطاطا اكتر

هاكونا مطاطا

مش هتقدر تغمض عنيك

هاكونا مطاطا هديتنا لكل المدونين عشان نخرج من حاله النكد

هاكونا مطاطا تهييس للصبح

هاكونا مطاطا ... لااااا للملل


هاكونا مطاطا... قول لاء للهم

هاكونا مطاطا.... اوعى تزعل ابدااا

هاكونا مطاطا... ارمى الماضى ورا ضهرك


انسى الماضى اللى يغيظ


يلاااااااااا تعالى مستنى ايه

وياريت تضيف اللينك عندك
ومش هتندم ابدآ

مودتى

Sarah said...

Insha2llah 2oryeb 7nzoork f abo z3bl :D ya magnooona troo7y w teegy b el salama

Israa El-sakka said...

ادم المصرى
مرسي على مرورك و الحمد لله أنك لسه بتكتب و بتدون و موجود معانا و يريت تتراجع عن قرارك في التوقف عن التدوين

آيوشة said...

كان نفسى تسمعى الاغنية الجديدة بتاعت جيمى مبارك انا بحبه انا حبه ولو رشح نفسه هنتخبه هنتخبه
هتعجبك اكيد هههههههه

صوت من مصر said...

انا وانت ولا حد تالتنا فى السجن العمومى بتاع طره
اهو قريب منكم
ومنا
وكمان ماما لو هتزورنى هتركب مترو مش تاكس
اهو نونس بعض وبلاش عيش وحلاوه وحد يجبلى الدواء بتاعى عشان معديش السجن كله
يابنتى عفوا لقد نفذ رصيدنا من الحياه الانسانيه
محمد كمال

Israa El-sakka said...

الغريـــــــب

مرسي على المرور و كل عام و انت بخير

Israa El-sakka said...

مايكل

هههه و تتسجن عشان حتة بيبي والله ما يستاهل و النت ده حاجة زبالة هههه ياللا
باي باي

Israa El-sakka said...

ادم المصرى
كل عام و أنت بخير و رمضان كريم و الحمد لله أنك عدلت عن فكرة ترك التدوين دي خالص

Israa El-sakka said...
This comment has been removed by the author.
Israa El-sakka said...

الشعب لابد له من حكومه تشكمه

هههههههه ماشي يا شيما مش حستنظر منك أكتر مانتي بتؤمن بالشكم و الربط بتاع الحكومة هههه شفتي قلبي أسود إزاي ؟؟

Israa El-sakka said...

نبيل

أن تمام الحمد لله بصراحة هم يضحك و هم يبكي
كل سنة و أنت طيب و رمضان كريم

Israa El-sakka said...

Pink Dreams
الحمد لله عشان تشوفي الشوباب لما بيتحد بيعمل إيه ؟ هههههه فشر أنا بيبي !! دي مسبة لا أسامح فيها أبدا أبداً ... ياللا سلام و رمضان كريم

Israa El-sakka said...

blue-wave

كل سنة و أنت طيب و شكرا على المرور

Israa El-sakka said...

عاشقة الأحزان

و عليكم السلام يا إيناس
و إن شاء الله نتواصل دايمن ككل سنة و أنت طيبة

Israa El-sakka said...

قلم رصاص

ههههههههههههه يعني هما سايبين بتوع الضرايب و اللي اخدين فلوس من البنوك و حيجو عليه أنا عشان جيمي
مش عايزة أقولك الجو شرح و برح هناااااااك هههههه و بعدين يعني كبير أوي كده واخد من النيل 0للأوتستراد.يعني لو الأهل و الاصدقاء جايين من على النيل أو على الأوتستراد حيلاقوا البوابات مفتوحة و بتستقبلهم لدرجة أنهم ممكن يكونوا زوار دائمين
الحيتان ليها ودان
هههههههه
شكرا على المرور و كل سنة و أنت طيب

Israa El-sakka said...

ريمان ونوسه فى هاكونا مطاطا
إيه الروقان ده كله ما شاء الله داخلين علينا فرحنين أوي و بتغنوا ههههههه
تحياتي

Israa El-sakka said...

Sarah

سارة ماشي يا بنتي ربنا يكرمك يا حبيبتي
هههه إن شاء الله أعود قريبا

Israa El-sakka said...

آيوشة
سمعت أغنية جيمي دي بالمصادفة في مدونة و قعدت أضحك هههههه مبارك انا بحبه انا حبه ولو رشح نفسه هنتخبه هنتخبه
بحبه حب :) يا حول الله

Israa El-sakka said...

صوت من مصر


هههههه أنا ملاحظة أنك معجب أوي أوي بسجن طره العمومي :) كل مرة تخش تقولي حنتسجن حنتسجن إيه الفال ده بس ؟؟ بعدين إيه بتدور على المواصلات من و إلى السجن ؟؟ ودنك منيين يا جحا هههه عادي نونس بعضينا يا عم ههههه
معلش مراعياك عشان الغيبوبة الأنفية اللي كنت فيها
سلاااااااام

mahasen saber said...

وحشتينى جدا جدا جدا يا جميله

يا رب تكونى بافضل حال دايما يا حبيبتى

وكل رمضان وانتى بالف خير وسلام

مواطن مصرى نايم said...

جميل اسلوبك يا اسراء بجد
بس انتى فرأيك ان جمال احسن و الا ايمن نور ؟
انا هكتب بوست عن ايمن نور او بمعنى اصح كتبته
لانى شايف ان جمال على الاقل هو الافضل على الساحه
اللقاء بتاع جمال مكانش مباشر على فكرة زى ما قالوا
(سمعت كده)
تحياتى

اسلام

Israa El-sakka said...

mahasen saber

و أنت كمان يا محاسن و ياريت تطمنيني من فترة للتانية عليكي و سلامي لبودي
و رمضان كريم

Israa El-sakka said...

مواطن مصرى نايم
شكرا بص أنا مش من أنصار أيمن النور و بالتأكيد مش جمال مبارك بص أنا بالنسبالي أيمن نور أحسن لأنه واحد بيستند على نشاط سياسي منذ كان طالبا و أنه كان عضو في الوفد قبل ما يشكل الغد بغض النظر عن تقيمه لكن مش حد بيتشعبط على كتف بابا رئيس الجمهورية ز بصراحة أنا متصورتش أن لقاء جمال مبارك حيكون مباشر و قلت على احسن الظروف حيحذفوا الأسئلة اللي مش حتعجبهم زي عن التوريث مثلا و قد كان

سلام و رمضان كريم

صدفة جميلة said...

السلام عليكم
جميل
كل سنه وانتى طيبه
باى
هههههههههههههههههههههه
يعنى لشفت شاى ولا نسكافيه
فقولت اقصر يمكن معزوره سلام
بس بجد كبير قوى دا الكلام

Israa El-sakka said...

صدفة جميلة

ههههه
ما هو كل واحد يجيب الشاي بتاعه
يعني المكتوب ده عزومة مراكبية
ههههه الإعتراف بالحق فضيلة و منور المدونة كلها و رمضان كريم
باي باي

micheal said...

يا ناس يا عسل..الألبون وصل
:))

كاتب مصري said...

كل سنة وانت طيبة
ازيك وأخبارك ايه
بتغيبي علينا قوي فلما بتيجي فجأة مش باخد بالي
لي عودة للتعليق بعد القراءة

micheal said...

مستني جديدك
:)

حلم بيعافر said...

ههههههههههههههههههه
البيبى ده مش جايبها البر

Post a Comment

جبلكوا كوباية شاي في الخمسينة كده عشان تركزوا
مش حنبقى محابيس و مساطيل

و ما ينطق من قول إلا لديه رقيب عتيد

دي قيم ربانية يا ريت نحافظ عليها