Sunday, 3 May 2009

موت و خراب ديار

تحركت السلطات المصرية لقتل قطعان الخنازير مستعينة بالشرطة فيما وقعت إشتباكات بين أصحاب حظائر الخنازير و الشرطة في منطقة منشية ناصر ...أسفرت عن إصابة سبعة من رجال الشرطة من بينهم، مدير المباحث الجنائية بالقاهرة اللواء أمين عز الدين. (وفقاً لوكالة أنباء الشرق الأوسط الرسمية المصرية) و أربعة من أصحاب حظائر الخنازير...يذكر أن الشرطة المصرية أعlتقلت نحو 15 شخصاً بعد أن طوقت حي منشية ناصر الذي يعيش فيه أكثر من 60 ألف خنزير و قد تجمع نحو 400 من سكان المنطقة الذين يعملون بجمع القمامة وقاموا بإلقاء الزجاجات الفارغة و الحجارة على الشرطة التي كانت تعتزم أخذ خنازيرهم إلى المذابح...
مناشدة إلى كل حبايبنا الحلوين بتوع الفتن : ما الهدف من التذكير والتشديد على مسيحية الخنازير و مربيها ؟!!!!حسب معلوماتي يقوم جامعو القمامة بتربية الخنازير ... فيا ترى يا هل ترى كم مسيحي و كم مسلم يعمل بجمع القمامة و تربية الخنازير؟!! فمن أين أتوا بهذا الإحصاء الطائفي؟...أجيبونا يا أباطرة الزمان!!

6 من حقك تقول لكن مش من حقك تجور:

:: أبو أدهم :: said...

من غير ما نغالط نفسنا محدش قال إن الخنازير أو مربيها من المسيحيين , المشكلة ان المتضررين من ذبح الخنازير هما المسيحيين فقط لأن ذبحها من عدمه مش فارق مع المسلمين فى حاجة , طبعا باستثناء بعض مربى الخنازير من المسلمين

تانى حاجة انا برغم قرائتى للبوست مرة واتنين وتلاته مش فاهم ولا قادر أحدد موقفك من القرار , اللى هوا ذبح الخنازير
انتى ايه رأيك فى الموضوع ده ؟؟

معاه ولا ضده ؟؟

شكرا وأسعدنى مرورى

انت تسال والكمبيوتر يجيب said...

سعدنا بمرورنا هنا ولذلك نوجه لك هذه الدعوه
دعوه
الأخت العزيزه
تحيه طيبه
برنامجنا الأذاعى عن النت والمدونات من الأذاعه الرئيسيه لمصر اى اذاعة البرنامج العام يذاع يوميا التاسعه وعشر دقائق صباحا عدا الجمعه
ندعوك لزيارة مدونتنا والتعليق على ما نطرحه من موضوعات وهذه التعليقات تذاع باسماء اصحابها فى حلقات برنامجنا

وبموقعنا رابط بالضغط عليه والأتنتظار قليلا وقت أذاعة البرنامج يمكنك الأستماع الينا
المدونه
http://netonradio.blogspot.com
الموقع
http://stop.to/cairo

Anonymous said...

http://noureldens.maktoobblog.com/

هاتفيدك جدا

فتاه من الصعيد said...

والله انا قل ان ربط الخنزير بالمسيحيه ضيق افق....المهم طلع اللى بيربوها نصهم مسلمين
دمتى بخير....تقبلى مرورى

micheal said...

والله أحلي رد عليهم هما أغنية خنزيري الحلو وخنزيرتي الحلوة
:)
مش عارف ليه الناس بتلعب بالنار..هل يعني تم اكتشاف أن الفرخة مسلمة مثلا والخنزير مسيحي
طبعا البقرة هندوسية
:)
الحل هو ذبح الخنازير فورا وتعويض أصحابها والاستفادة من أطنان القمامة الجاثمة علي صدورنا في شيء مفيد زي دول العالم المتحضر+مراقبة الحدود كويس ووضع الحجر الصحي في المطارات والموانيء في حالة تأهب قصوي
بخصوص طلبك
يا فندم حطتي اللي أنتي عاوزاه في نوت..البلوج بألبوناتها الخمسة تحت أمرك
:)
عندك 5 البونات..خدي منهم اللي يعجبك أو كلهم
تحياتي

ايوشة said...

اااااااااخ يانى من مواضيع الخنازير اللى مش هتخلص والله الامور ابسط من كد بكتير يعنى مش عارفة الناس غاوية تجيب ضرر ودمار لنفسها
الحل بسيط يعوضوا الناس ويقتلوا الخنازير بس بطريقة رحيمة مش بالطرق البشعة اللى بيعملوها دلوقتى
مرسيى للمرورك على المدونة ياقمر

Post a Comment

جبلكوا كوباية شاي في الخمسينة كده عشان تركزوا
مش حنبقى محابيس و مساطيل

و ما ينطق من قول إلا لديه رقيب عتيد

دي قيم ربانية يا ريت نحافظ عليها